मोडी लिपी मित्र मंडळाने नुकताच सोळावा मोडी दर्पण दिवाळी अंक प्रकाशित करून मोडी लिपीच्या वाचकांसाठी ,अभ्यासकांसाठी आणि त्याचबरोबर मराठी साहित्य वाचकांसाठी एक रुचकर व ज्ञान गर्भी दिवाळी भेट दिली. गेले सहा दिवाळी अंक मोडी लिपी मित्र मंडळाने प्रकाशित केले असले तरी त्याच्या प्रकाशना करता राजापूर लांजा तालुका नागरिक संघ मदतीसाठी धावून आलेला आहे. त्यामुळेच मोडी दर्पण दिवाळी अंक हा अधिक आकर्षक ठरला असून त्याचे प्रकाशन वेळेवर होत असून त्याच्या वाचकांची संख्या ही वाढलेली आहे. त्यामुळे मोडी दर्पण हा जसा मोडी लिपी मित्र मंडळाचा अंक आहे तसा असतो राजापूर लांजा तालुका नागरिक संघाच्या कार्यकर्त्यांना तो आपलाच वाटतो आहे हे कौतुकास्पद आहे.
राजापूर लांजा तालुका नागरिक संघ ही पंचाहत्तरी कडे वाटचाल करणारी कोकणातील सर्वात मोठी आणि क्रियाशील संस्था आहे. गेल्या दहा-बारा वर्षात या संघाकडे तरुण पिढीचा कल वाढलेला आहे. या तरुण पिढीला संघाच्या विविध उपक्रमात त्यांच्या विचारांचा आदर करून काम करण्याची संधी मिळते आहे. या पिढीला एकत्रित येऊन काम करायला आवडते त्याचप्रमाणे आनंद साजरा करताना सुद्धा त्यांना तसाच समूह आवश्यक असतो आणि म्हणून संघाने गेल्या अनेक वर्षापासून पावसाळी सहलीचे आयोजन करून तरुणांबरोबर वयोवृद्धांना सुद्धा आनंद देण्याचा प्रयत्न केलेला आहे. ग्रामीण साहित्य संमेलनाच्या निमित्ताने ही तरुण मंडळी मुंबईहून एकत्र गाडीने प्रवास करतात तेव्हा जाताना तसेच मुंबईत परतत असताना वाटेतील प्रेक्षणीय स्थळे पाहण्याचा आनंद लुटतात. या तरुण मंडळीमुळे वयोवृद्धांना सुद्धा आपला वाढदिवस केव्हा आहे याची आठवण होत असते. संघातील ज्येष्ठांची षष्ठ्यब्दी किंवा पंचाहत्तरी साजरी करण्याचा अनोखा कार्यक्रम याच तरुण मंडळीमुळे शक्य झालेला आहे. संघातील किंवा मोडी लिपी मित्र मंडळातील या कार्यकर्त्यांच्या जन्मतारखा सर्वांच्या समोर राहाव्यात या हेतूने दिनदर्शिका प्रकाशित करण्याची कल्पना समोर आली. या कल्पनेला मूर्त स्वरूप देताना या दिनदर्शिका चे नाव 'माझी दिनदर्शिका' असे ठेवण्यात आले आणि त्याचबरोबर या दिनदर्शिकेच्या पहिल्या पानावरती आपल्या मातीतल्या कर्तुत्वान व्यक्तींना स्थान देऊन या व्यक्तीच्या आठवणी जागवण्याचा प्रयत्न होऊ लागला. यावर्षीच्या माझी दिनदर्शििकेच्या मुख्य्यपृष्ठावरती कोकण रेल्वेचे शिल्पकार प्राध्यापक मधु दंडवते यांचे विलोभनीय छायाचित्र झळकते आहे.आतील पानांवरती ग्रामीण साहित्य संमेलनातील विशेष छायाचित्रे तसेच साहित्य संमेलनाच्या पूर्वसंध्येला त्या त्या गावातील नदीचे जलपूजन समस्त ग्रामस्थांच्या साक्षीने होत असते त्याचीही क्षणचित्रे माझी दिनदर्शिका आकर्षक करायला मदत करताहेत.
शिवकालीन मोडी लिपीला आम्ही दिवाळी अंकाच्या माध्यमातून अनेकांच्या पर्यंत पोहोचवण्याचा यशस्वी प्रयत्न केलेला आहे त्याच मोडी लिपीतील मुळाक्षरे आणि बाराखडी प्रत्येकाच्या घराच्या भिंतीवर पुढच्या पिढीच्या नजरेसमोर राहील असा प्रयत्न केलेला आहे. त्याच पानाच्या पाठीमागच्या पृष्ठावरती शंभर वर्षांपूर्वी पुण्यातील पुस्तक भंडारात खरेदी केलेला संत ज्ञानेश्वर कालीन मोक्षपट देण्यात आलेला आहे. नुकतेच आम्ही राजापूर तालुक्यातील उपळे गावातील २६५ वर्षांपूर्वीच्या जुन्या घराला भेट दिली. इसवीसन १७६५ मध्ये बांधण्यात आलेल्या या वाड्यात सध्या चौदाव्या पिढीतील डॉ .पार्थ प्रकाश काळे हे आपल्या पत्नीसह राहतात. ऐंशी फूट रुंदी आणि ऐंशी फूट लांबी असलेला चौसोपी वाडा आजही उत्तम स्थितीत असल्याचे पाहून तसेच त्या काळातील पत्रव्यवहार ग्रंथसंपदा आणि व्यवहारातील विविध वस्तू आयदाने योग्य तऱ्हेने सांभाळणाऱ्या प्रत्येक पिढीचे मनापासून कौतुक. आणि आज सुद्धा एवढा प्रचंड वाडा सुस्थितीत ठेवण्यासाठी प्रयत्नांची पराकाष्टा करणाऱ्या डॉ. काळे व त्यांच्या सुविद्य पत्नीचे मनापासून आभार. कोकणाचे पर्यटन मूल्य वाढवणाऱ्या या वाड्यातील पंतोजीच्या मेजाच्या पाठीमागे भिंतीवर लावलेल्या मोक्षपटाने आमचे लक्ष वेधून घेतले. ही अनोखी भेट आपण आपल्या वाचकांपर्यंत पोहोचवावी यासाठी प्रकाशित करण्याकरिता डॉक्टर काळे यांनी आम्हास परवानगी दिली त्याबद्दलही त्यांचे आभार.
हिंदू सणांची माहिती, विवाह शुभ दिवस, सूर्योदय सूर्यास्ताच्या वेळा व सार्वजनिक सुट्ट्या अशी परिपूर्ण माहिती असलेली माझी दिनदर्शिकेची सप्त रंगातील आकर्षक मांडणी व चांगल्या प्रतीचा गुळगुळीत कागद वापरून केलेली छपाई यामुळे माझी दिनदर्शिका संग्राह्य ठरली आहे याचे श्रेय ठाणे येथील कोठावळे प्रेसला जाते हे आम्ही मनापासून मान्य करतो !
आम्ही आनंद नेहमी वाटून साजरा करत असतो त्यामुळेच माझी दिनदर्शिका प्रकाशित होताना आम्हाला होत असलेला आनंद आपणासही द्यावा यासाठी माझी दिनदर्शिका आपल्या घराच्या भिंतीवरती स्थानापन्न होणे आवश्यक आहे . माझी दिनदर्शिकेच्या तीन प्रती पोस्टाच्या खर्चासह रुपये १५० मध्ये घरपोच होतील.
खाली दिलेल्या क्यू आर कोड वरती रुपये १५० भरल्यानंतर आपणास मोबाईल वरती पावती मिळेल. ती पावती व आपला पिन कोड सहित पूर्ण पत्ता व्यवस्थापन प्रमुख श्री सचिन तावडे +918424904556 यांच्या मोबाईल वरती पाठवणे.
अधिक माहितीसाठी ९८६९१०५७३४ यावर संपर्क साधणे.
सुभाष लाड
संपादक
मोडी दर्पण
डॉ .पार्थ काळे यांचा संपर्क नंबर -+919226647028
No comments:
Post a Comment