मराठा आंदोलन जरांगे पाटलांच्या समर्थनार्थ !

 

             अवघ्या महाराष्ट्राचे डोळे अंतरवाली सराटीत उपोषणाला बसलेल्या मनोज जरांगे पाटलांकडे लागले आहेत.मराठा समाजातील गुणवान मुलं केवळ आरक्षणाच्या काटेरी कुंपणात अडकून आयुष्याचं गणित सोडवायचं कसं या विवंचनेत आहेत.त्यांना प्रकाश वाटांवर आणायचं असेल तर त्यांना आरक्षण मिळवून द्यायलाच हवे या एकाच हट्टानं पेटून उठलेले मनोज जरांगे पाटील अंतरवाली सराटीत उपोषणाल बसलेले आहेत.आज सातव्या दिवशी त्यांची तब्बेत खालावली आहे.त्यांना पाठिंबा दर्शविण्यासाठी पवईतील सकल मराठा समाज आज आय आय टी मेन गेट जवळ एकत्र आला.मुंबईतील हा पहिलेच आंदोलन आहे.यावेळी अनेक मराठी बांधवांनी आरक्षणाबाबत आपले विचार मांडतांना मनोज जरांगे पाटलांना जाहिर पांठिबा दर्शविला.पवईतील सहाय्यक पोलीस आयुक्तांना निवेदन देण्यात आले.